Li navçeya Çungûşê ya Diyarbekirê, cesedê M. A. yê 51 salî yê ku dema bi malbata xwe re pîknîk dikir ketibû nav Çemê Firatê û winda bûbû, di encama xebatên tîman de hat dîtin.
Bûyer, li devera Taxa Geçîkoyê ya navçeya Çungûşê qewimî.
M. A. yê ku piştî pîknîka bi malbata xwe re, ji bo eşyayekî xwe yê ji bîr kirî hilde bi kurê xwe re bi botê xwest derbasî aliyê din ê çem bibe, ji ber manevraya ji nişka ve ya botê hevsengiya xwe winda kir û ket nav avê.
M. A. yê ku bi derba li serê xwe ketî, bi herikîna avê re çû û di nav avê de winda bû; kurê wî jî bi avjeniyê (melevaniyê) xwe gihand ber qeraxê û rizgar bû.
Li ser agahdarkirina welatiyên li derdorê; tîmên cendirmeyan ên lêgerîna binavê, AFAD, binavgerên (dalgîç) îtfaiyeyê û tîmên dildar sewqî herêmê hatin kirin.
Piştî xebatên dijwar ên ku bi saetan ajotin, cesedê M. A. hat dîtin. Piştî lêkolînên li cihê bûyerê, cenazeyê Aslan ji bo otopsiyê birin morga nexweşxaneyê.
Derbarê bûyerê de lêpirsîn hat destpêkirin û hat hînbûn ku rewşa tenduristiya kurê wî yê ku ketibû çem baş e.