Hat ragihandin li Denîzlîyê otomobîla ku 6 kes di nav de bûn û ji kontrolê derket li Taxa SAriabata navçeya Tavasê ket golê, di encama qezaya ku pêk hat de 5 kesan jiyana xwe ji dest dan û kesek jî birîndar bû.
Piştî ku otomobîl ket golê kesekî bi navê Muharrem Çînelî bi hewildanên xwe ji otomobîlê derket û sax xelas bû, lê her 5 kesên din ên di otomobîlê de jiyana xwe ji dest dan.
Piştî ku bi bûyerê hat hisîn re yekîneyên rizgarkirinê hatin cihê bûyerê û wesayît bi vîncê ji golê hat derxistin. Emîn Çotul, Mehmet Bayraktar, Ugur Hepgul, Suleyman Tahancalioglu û Kamil Kocamanoglu di otomobîlê de wek mirî hatin dîtin.
Cenazeyên kesên ku di qezayê de jiyana xwe ji dest dan hatin rakirin mirîxaneya Nexweşxaneya Zanîngeha Pamukkalê.
ÎLKHA