Wezareta Tenduristiyê li ser îdiayên ku hin cerrahên ortopedîk ên li Nexweşxaneya Dewletê ya Selahaddîn Eyyubî ya Dîyarbekirê plakayên metal di hestiyên saxlem de çandine û şikestinên piçûk bi emeliyatê derman kirine, lêpirsînek da destpêkirin.
Mufetîşên Wezaretê daxwaza cezayên darayî, dadwerî û îdarî li dijî şeş cerrahên ortopedîk ên di bin lêpirsînê de kirine.
Bi tohmeta zirardayîna dewletê, ji şeş doktoran re bi tevahî 168,000 Lîreyên Tirkî cezayê pereyan hat xwestin.
Ji aliyê îdarî ve, du doktor ji xizmeta giştî hatin avêtin, sê hatin sirgûnkirin (mecbûr man ku bajar biguherînin), û mûçeya doktorekî jî hat kêmkirin. Ji aliyê dadwerî ve, destûr hat dayîn ku dozgerî lêpirsînê bike û ew li dadgehê bên darizandin.
Dengê Xana Axpar