Li Dîyarbekirê, di 11 mehên dawî de 34 kesan di qezayên trafîkê de jiyana xwe ji dest dan û 5 hezar û 635 kes jî birîndar bûn.
Desteya Trafîkê ya Rêveberiya Giştî ya Ewlehiyê amarên qezayan weşand. Li gorî daneyan, di meha Mijdarê de li Dîyarbekirê 311 qezayên trafîkê çêbûne. Di van qezayan de şeş kesan jiyana xwe ji dest dan û 509 kes jî birîndar bûn.
Hejmara qezayên 11 mehî yên bajêr bûye sedema fikaran. Di 11 mehan de, di 3,392 qezayan de 34 kes mirin û 5,635 kes birîndar bûn.
Rayedaran hişyarî dane ajokaran ku guh bidin sînorên lezê, kemberên ewlehiyê li xwe girêdin û dema ajotinê ji karanîna telefonên xwe dûr bisekinin. Her wiha wan ragihand ku kampanyayên hişyariyê ji bo pêşîgirtina li qezayên trafîkê berdewam dikin û ji welatiyan xwestin ku herî zêde bala xwe bidin qaîdeyên trafîkê.