Li Taxa Sanayî ya navçeya Yenîşehîrê ya Dîyarbekirê, li qata jorîn a avahiyek çar qatî ji ber sedemek nediyar teqînek çêbû.
Piştî teqînê agir di avahiya apartmanê de derket. Tîmên agirkujiyê, paramedik û polîsan sewqî cihê bûyerê hatin kirin. Ji ber ku agir bi lez belav dibû, çar kes ji deverên cûda yên laşê xwe birîndar bûn.
Agir ji aliyê tîmên agirkujiyê ve hate kontrolkirin û vemirandin, û çar kesên birîndar piştî wergirtina alîkariya yekem li cihê bûyerê bi ambulansê rakirin nexweşxaneyê. Tê ragihandin ku yek ji birîndaran rewşa wî giran e.
Derbarê bûyerê de lêpirsîn hat despêkirin.