Li navçeya Sûrê, li xala ku Cadeya Gazî û Kolana Karamanê digihîjin hev, di navbera firoşkarên fêkiyan û tîmên zabiteyan de rageşî derket. Li gorî agahiyan, tîmên zabiteyan bi hinceta dagirkirina peyare û rê hatin herêmê û xwestin ku dezgeh werin rakirin.
Piştî hişyariyê, di navbera hinek esnaf û tîman de nîqaşeke devkî derket. Tablaciyan diyar kirin ku ew bi salan e li heman derê firotanê dikin û debara xwe bi vî awayî dikin; lewma li dijî vê sepanê nerazîbûn nîşan dan.
Bi mezinbûna nîqaşê re, firoşkaran wekî komekê ber bi avahiya Şaredariya Bajarê Mezin a Diyarbekirê ve meşiyan. Di navbera girseya ku li ber şaredariyê kom bû û rayedarên şaredariyê de arbedeyeke kurt pêk hat. Di rageşiya ku dem bi dem tahrîk û dehfdayîn tê de çêbûn, hêzên ewlehiyê ketin navberê û alî ji hev dûr xistin.