Li Diyarbekirê di şerê çekdarî yê navbera malbatên eqrebe de Sakîne Adiguzel (60) jiyana xwe ji dest da û 3 kes birîndar bûn. Têkildarî bûyerê 5 gumanbar hatin binçavkirin.
Bûyer, di saetên êvarê de li Taxa Guvercinlikê ya gundewar a navçeya Yenîşehîrê qewimî. Di navbera malbatên eqrebe de bi sedemeke ku hê nehatiye zanîn nîqaş derket û di demeke kurt de veguherî şerê çekdarî. Di şer de guleyên ku ji demançeyê derketin li Sakîne Adiguzel ketin û wê jiyana xwe ji dest da; her wiha M.T.A. (25), Î.A. (48) û F.A. jî birîndar bûn.
Li ser agahdarkirinê, tîmên tenduristiyê û cendirme sewqî cihê bûyerê hatin kirin. Birîndar, piştî midaxeleya yekem a tîmên tenduristiyê ya li cihê bûyerê, bi ambulansan rakirin nexweşxaneyên li bajêr û hatin dermankirin. Meyitê Adiguzelê ji bo karûbarên otopsiyê birin morga Saziya Tipa Edlî.
Di lêpirsîna ku derbarê bûyerê de hat destpêkirin de 5 gumanbar hatin binçavkirin. Karûbarên gumanbaran ên li cendirmeyê berdewam dikin.