Hişyariya berfê ya ku çend roj berê ji teref Rêveberiya Meteorolojiyê ve hatibû dayîn, ji aliyê şaredariyan ve hate paşgohkirin. Berfa ku di şevê de dest pê kir, heta doh piştî nîvro berdewam kir. Ji ber ku rêyên bêpaqij ên bi berf veguherîbûn qadên qeşayê, hinek firoşkarên bazarên herêmî stantên xwe venekirin.
Her çend ekîbên şaredariyê piştî barîna berfê li hinek kolan û rêyan xebatên çakil û xwêkirinê kirin jî, paqijkirin bi têra xwe nehat kirin, û rêyên peya, kolanên alî û kuçeyan bi berfê veşartî man. Ji ber rewşa qeşagirtî ya li hinek kolanan û germahiya di bin sifirê de, hinek bazarên taxan nehatin danîn.
Li gorî daneyên meteorolojiyê, ku germahiya şevê -11 pileya Celsius pêşbînî dikin, tê texmînkirin ku ji saetên serê sibê ve dîsa berf bibare. (ÎLKHA)