Li navçeya navendî ya Rezan a Dîyarbekirê, zilamekî jina xwe ya ku di pêvajoya berdanê de bû kuşt û dû re xwe kuşt. Kemal Demîr (29) ku duh li Kolana 627an a Taxa Şeyh Şamîl di teqsiyê de bi guleyekê hevjîna xwe Nazlı Demîr (24) bi giranî birîndar kir, paşê hewl da xwe bikuje û bi giranî birîndar bû. Di êrîşê de ajokarê wesayîtê Î.Y. jî birîndar bû. Piştî agahdarkirinê, tîmên 112 Acil ên Tenduristiyê û polîsan sewqî cihê bûyerê hatin kirin.
Piştî wergirtina alîkariya yekem ji aliyê tîmên tenduristiyê ve, birîndar rakirin nexweşxaneyên bajêr. Li gorî agahiyan, jin û mêr ku bi giranî birîndar bû, duh êvarê jiyana xwe ji dest da û hat veşartin. Li gorî agahiyan, ew cot di pêvajoya berdanê de bûn.