Li ser Bulvara TPAO di encama lihevketina motorsîkletê û peyayekî de 2 ciwan mirin, li ser Kolana Mezopotamya jî di encama lihevketina sê wesayîtan de 3 kes birîndar bûn.
Li gorî agahiyên ku hatine bidestxistin, qezaya yekem li Bûlwara TPAO ya li taxa Petrol a navenda bajarê Êlihê qewimî. Motorsîkletê ku ji hêla M.Ç. yê 22 salî ve dihat ajotin, li B.B. yê 22 salî yê ku hewl dida rê derbas bike qelibî. Ji ber hêza lêdanê, hem şofêrê motorsîkletê û hem jî peya çend metreyan dûr pekîyan.
Piştî agahiyên ji niştecihên herêmê, ekîbên tenduristiyê û polêsan sewqî cihê bûyerê hatin kirin. Her du ciwanên bi giranî birîndar bûbûn bi ambûlansê ji Nexweşxaneya Perwerde û Lêkolînê ya Êlihê re hatin rakirin. Lêbelê, digel hemû midexeleyan, M.Ç. û B.B. canê xwe ji dest dan. Ekîbên polêsa li ser qezayê lêpirsîn dane destpêkirin.
Di heman demê de, di qezaya duyemîn de ku li Kolana Mezopotamyayê ya li taxa Kulturê qewimî, wesayîtek bi plakaya 31 PBA 40 li du wesayîtên bazirganî yên sivik ên bi plakaya 47 AAF 446 û 72 ACR 015 qelibî. Di qezayê de sê kes birîndar bûn, wesayîta bazirganî ya sivik a bi plakaya 72 ACR 015 wergeriya. Mirovên birîndar ji nexweşxaneyê re hatin rakirin. (ÎLKHA)