Li gorî xebera rojnameye Siûd, malbata wî diyar kir ku Nasir bin Radan El-Raşîd di 142 salî de rehmet kir.
Li gorî xizmên wî El-Vadaî di 1884an de li Dahran el-Cenub ku berîya Qraltîya Erebistana Siûdî hatîye dinyayê û di bin îdareya damezrînerê qraltîyê Abdul Azîd heta hikûmdarê niha Salman jîyana xwe derbas kirîye.
Li gorî malbata wî El Vadaî bi cesaret û qewetbûnîya xwe ya fizîkî tê naskirin û heta emrên xwe yên dawîn di warê civakî de jî endamekî aktîf bûye.
Yek nevîyek Vadaî, destnîşan kir ku kalê wî her roj garis, ceh, rûnê malê, şîr, hungiv û mewûcan xwarîye. Ev xwarin jî heta dawîya emrê wî bûye sedema xurtbûna hişê wî.
Ji nimêja wî ya cenazeyê re 7 hezar mirov beşdarî bûn û Vadaî li gundê El-Raşîdê hat definkirin.
Ji teref malbata wî ve hat diyarkirin ku Vadaî mirovekî dîndar bûye û ji 40 caran zêdetir Hec kirîye.
Hat ragihandin ku 9 zarokên wî (3 kur û 6 qîz) 134 heb jî nevîyên wî hebûne. (ÎLKHA)