Erdhejek bi şîddeta 7.4 pileyî li peravên Girava Mindanao, ku li başûrê Fîlîpînan e, qewimî.
Lêkolînên Jeolojîk ên Emrîkayê (USGS) ragihand ku navenda wê 20 kîlometre li rojhilatê Santiagoyê ye, û erdhej bi kûrahiya nêzîkî 60 kîlometreyan çêbûye.
Her çend raporên destpêkê nîşan nedan ku ti qurbanî an zirar tune be jî, Enstîtuya Volkanolojî û Sîsmolojiyê ya Fîlîpînê piştî erdhejê hişyariya tsûnamiyê da. Rayedaran hişyarî dan niştecihên peravê ku li deverên bilindtir bigerin.
Di heman demê de, erdhejek bi pileya 6.3 li Papua Gîneya Nû jî qewimî. Li gorî daneyên USGS, erdhej li başûrê rojhilatê Girava Manusê bi kûrahiya nêzîkî 10 kîlometreyan çêbû.
Fîlîpîn û Papua Gîneya Nû, ku li ser Kembera Erdhejê ya Pasîfîkê (Xembera Agir) ye, ku yek ji herêmên sîsmîk ên herî çalak ên cîhanê ye, gelek caran ji aliyê erdhejên bihêz ve tên hejandin.
Hat îfadekirin gelê peravê hatin tehlîyekirin. (ÎLKHA)