Di şerê ku li hîpodroma li gundê Beşpinarê yê Çînarê derket de 2 kesan jiyanê ji dest da û 5 kes jî birîndar bûn.
Li gorî agahiyên ku hatine bi dest xistin, şerê ku roja pêncşemê, 18ê Hezîranê li navenda navçeya Çînarê li xalîsaheyê dest pê kiribû, li gundê Beşpinarê li hîpodromê jî berdewam kir. Di şerê ku derket de ap (mam) û biraziyê hev Ahmet Çizik (20) û Bayram Çizik (33) jiyanê ji dest dan û 5 kes jî birîndar bûn. Têkildarî şer 2 kes hatin binçavkirin; her weha xizmên aliyên ku rûdana bûyerê bihîstin, li Xarpêt, Riha û Enqereyê jî şer kirin. Hat diyarkirin ku di şerên li van deran derketine de jî gelek birîndar hene û hat ragihandin ku Bayram Çizikê ku jiyanê ji dest daye, zewicî bû û bavê 3 zarokan bû.