Bûyer, li navçeya Qosera Mêrdînê di Herêma Senayîya Organîzeyê pêk hat.
Y.M.yê 19 salî ku di febrîqeya arvan de dixebitîya, dema ku dixwest genim valabike hevsengîya xwe winda kir û ji 15 metre bilindahîyê ket nav sîloya genim.
Karkerê bêsiûd, ji bona ku ji nav genim derkeve gelek micadeleyê da lê ew çiqas micadele dida ewqas zêdetir diket binê genim û bênefes ma û canê xwe ji dest da.
Hat îfadekirin ku hevalê Y.M. rewşê ferq kir û xeberê ji ekîbên 112yê şand, di encamê de ekîbên îtfaîyeyê gelek micadele dan ku wî ji nav sîloyê derbixin lê Y.M. canê xwe ji dest dabû.
Derheqê bûyerê de tehqîqat hat destpêkirin. (ÎLKHA)