Bûyer li taxa Ersoylu ya ser bi navçeyê ve pêk hat.
Li gora agahiyên ku hatine bi dest xistin, nîqaşa ku di navbera du koman de ji ber deyn (borç) dest pê kiribû, di demeke kurt de veguherî şerê bi çek. Di şer de Ş.Ç. (53), H.Ç. (42), M.A.S. (30) û M.A.S. (32) birîndar bûn.
Li ser agahdarkirinê, tîmên tendurustiyê û polîs sewqî cihê bûyerê hatin kirin.
Piştî destwerdana yekem a tîmên tendurustiyê, birîndar rakirin nexweşxaneyên cuda yên li bajêr û hatin girtin bin tedawiyê.
Ji birîndaran M.A.S, tevî hemû destwerdanan jî nehat rizgarkirin û jiyana xwe ji dest da.
Di xebata berfireh a ku piştî bûyerê hat destpêkirin de, 14 gumanbarên ku hat nirxandin tevlî şer bûne hatin binçavkirin.
Lêpirsîna der barê bûyerê de berdewam dike.