Muhammed A. (20) jiyana xwe ji dest da, S.A. (29) û R.A. (26) jî birîndar bûn.
Şer, şeva borî di saetên dereng de li taxa Mezopotamyayê ya navçeyê qewimî.
Li gorî agahiyên hatine bidestxistin, di navbera koma ku ji dawetê derketibûn û diçûn mala xwe û kesên bi kamyonetekê di rê de derbas dibûn de bi sedemeke ku hê nehatiye zanîn nîqaş derket.
Nîqaşa ku di demeke kurt de mezin bû, veguherî şerê çekdarî. Di şer de M.A. (20), S.A. (29) û R.A. (26) bi fîşekan birîndar bûn.
Gava kesên di kamyonetê de ji cihê bûyerê reviyan, li ser agahdarkirinê tîmên tenduristiyê û polîs sewqî herêmê hatin kirin.
Di kontrola tîmên tenduristiyê de hat diyarkirin ku M.A. jiyana xwe ji dest daye.
Ji birîndaran R.A. rakirin Nexweşxaneya Dewletê ya Qoserê û S.A. jî rakirin Nexweşxaneya Perwerde û Lêkolînê ya Mêrdînê; hat ragihandin ku rîska jiyanî ya birîndaran nîn e.
Polîsan ji bo girtina gumanbarên ku reviyane dest bi xebatan kir.