Di pêvajoya ku di bin pêşengiya rûspiyên navçeyê Fikret Aslan û Şêx Sebih Elçioğlu de hat meşandin de, mezinên her du malbatan jî ji bo pêkanîna aştiyê piştgirî dan.
Di vê pêvajoyê de herwiha Serokê Komeleya HEMIKAyê Nasrettin Keskin, Selman Aslan, Serokê Komeleya Çand, Piştgirî û Alîkariya Civakî ya Afere ya Gundê Açıkyolê Mehmet Emin Kaya û ji xizmên aliyê mexdûr Osman Ökten û Ali Yıldız jî, ji bo nêzîkbûna biîtidal a her du aliyan û avakirina aştiyê roleke çalak girtin ser xwe.
Li xwarina aştiyê ya ku li salona dawetê hat lidarxistin; Qeymakamê Nisêbînê Evren Çakır, midûrên saziyan, nûnerên saziyên sivîl (STK), rûspî û xizmên her du malbatan beşdar bûn.
Di dawiya bernameyê de aliyan silav dan hevdu û peyama yekîtî û biratiyê dan.