Walîyê Herêma Amurê Vasiliy Orlov, destnîşan kir ku tev de di nav balafirê de 49 kes hebûne û 5 ji wan jî zarok bûne.
Ajansa xeber a TASSê, daxuyand ku di encama qezayê de tu kes zindî nemaye.
Li gorî agahîyên ku ji çapemenîya Rûsyayê hatine bidestxistin, parçeya balafirê ku şewitîye nêzê 15 kîlometre dûrê Balafirgeha Tyndayê hatîye dîtin.
Hat destnîşankirin ku balafir ji ber ku şert û mercên dîtinê zor û zehmet bûye xwestîye ku xwe daxîne xwarê, ji ber vê yekê dibe ku qeza ji ber xeletîya balafirvanê çêbûbe.
Balafira ku qeza kir ji Rûsyayyê diçû Amûra ku li snîora Çînê ye.
Hat diyarkirin çend kîlometre mabû ku balafir xwe daxîne balafirgehê di radarê de winda bûye. Li ser vêya ji herêmê re ekîbên lêgerîn û xelaskirinê hatine sewqkirin. (ÎLKHA)