Bûyer, duh êvarê li gundê Poyrayê yê ser bi navçeya Şemrexê (Mazidağı) ve qewimî.
Xizmên keça bi navê Z.S. (16) ku di malê de dengê çekê bihîstin, dema ketin odeyê dîtin ku Z.S. di nav xwînê de ye.
Li ser agahdarkirinê, tîmên tenduristiyê û cendirme sewqî herêmê hatin kirin. Tevî hemû midaxaleyên tîmên tenduristiyê jî keça ciwan jiyana xwe ji dest da.
Cenazeyê Z.S. ji bo karûbarên otopsiyê rakirin Nexweşxaneya Perwerde û Lêkolînê ya Mêrdînê.
Di lêkolîna yekem a li ser cenazeyê de, ji ber ku şopên lêdanê û şînbûn hatin dîtin, di çarçoveya lêpirsîna li ser bûyerê de birayê wê hat binçavkirin.
Lêpirsîna derbarê bûyerê de berdewam dike.