Barana gur a ku rojên dawî li bajêr bandora xwe zêde kiribû, di hin herêman de cihê xwe da barîna tefrikê (zîpık).
Tefrika ku her çend demeke kurt bi bandor bû jî lê bi şidat bariyayî, di serî de hilberînerên fistan (fisteq) gelek cotkar bi awayekî neyînî bandor kir. Piştî tefrika ku li hin gundên ser bi navendê ve û li navçeyên Dihê (Eruh) û Hewêlê (Baykan) bi bandor bû, di zeviyên çandiniyê de zirar (hasar) çêbû.
Hate ragihandin ku bi taybetî di darên fistan ên ku nû şîn didan de, di şitilên sewzeyan de û di serayên ku tê de çandiniya bin-girtî tê kirin de zirar pêk hatiye. Cotkarên ku piştî barîna tefrikê baxçeyên xwe kontrol kirin, diyar kirin ku di berheman de weşandin û şikestin çêbûne.
Hin hilberîneran dan zanîn ku her çend barîna tefrikê çend hûrdeman (deqîqeyan) dom kiribe jî lê bandora wê mezin bûye. Hilberînerên fistan anîn ziman ku piştî baranên îsal bendewariya wan a berhemê (berî) bilind bibû, lê ji ber tefrikê ketine nav fikarên mezin.
Welatiyên ku bi seravantiyê re mijûl dibin jî diyar kirin ku di naylonên serayan de çiryandin çêbûne û hin şitilên sewzeyan zirar dîtine. Cotkaran daxwaz kir ku saziyên peywendîdar li herêmê lêkolînan bikin, xebatên tespîtkirina zirarê bidin destpêkirin û piştgirî bidin hilberînerên ku mexdûr bûne.
Li aliyê din, rayedarên meteorolojiyê hişyarî dan ku dibe ku li herêmê cih bi cih barana gur û barîna tefrikê berdewam bike û ragihandin ku divê welatî baldar û bi tedbîr bin.