Bûyer, di seatên êvarê de li ber avahîya Qeymeqamtîya navçeya Xisxêra Sêrtê pêk hat.
Gengeşîya ku di navbera malbatên Durmaz û Ozcanê de pêk hat, di demeke kurt de ji şerê çekdarî re vegerîya.
Li gorî diyarîyên ewil di encama şerê çekdarî de D.B., L.P., R.N. û M.O. birîndar bûn.
Hat destnîşankirin ku rewşa D.B giran e û ew bi helîkoptera leşkerî ji Fermandarîya Tûgaya 3yemîn re hat anîtin û ji li wê derê jî bi ambûlansê ji Nexweşxaneya Lêgerîn û Perwerdehî ya Sêrtê re hat şandin.
Li navçeyê heta seatên dereng dengê çekan nesekinîn, welatîyên ku wan dîmenan dîtin jî bi qemerayên xwe wan deman kişandin.
Hat diyarkirin ku li navçeyê cenderme û hêzên ewlehîyê yên dinê ewlehîyeke mezin girtin.
Walî Dr. Kemal Kizilkaya, ji bona ku lêgerîn bike bi helîkopterê çû Xisxêrê.
Hat ragihandin ku bi Walî re Fermandarê Cenderme yê Bajêr Tûcgeneral Emrullah Buyuk û rayedarên ewlehîyê yên dinê jî hevaltîyê kirin.
Derheqê hûrgilîyên bûyerê û sedema bûyerê de hêj daxuyenîyekî fermî nehat dayîn.
Tehqîqat berdewam dike. (ÎLKHA)