Li navçeya Tuşpaya Wanê di saetên sibehê de erdhejek bi mezinahiya 5,2 pêk hat. Erdhej li parêzgehên derdorê jî hat hîskirin. AFAD’ê daxuyand ku li gorî tespîtên pêşîn tu rewşeke neyînî nîne.
Li gorî daneyên Serokatiya Rêveberiya Karesat û Rewşên Lezgîn (AFAD), erdhej di saet 08.52’an de, nêzîkî 7 kîlometre di binê erdê de pêk hat. Hejîn (lerzîn) ji bilî Wanê, li Agirî, Bedlîs, Îdir û Colemêrgê jî hat hîskirin.
Di daxuyaniya AFAD’ê de wiha hat gotin: “Piştî erdheja bi mezinahiya 5,2 ya ku li navçeya me ya Tuşpaya Wanê pêk hat, heta niha tu rewşeke neyînî nîne. Xebatên lêkolîna li qadê berdewam dikin.” Rayedaran ragihand ku tîm lêkolînên xwe yên li herêmê didomînin.