Barana zêde ya ku li Xarpêtê tesîrdar kir, di saetên êvarê de veguherî birûskê. Di vê navberê de, birûsk li minareya Mizgefta Sursuru ya li Taxa Sursuru ket.
Minare ji ber lêdana birûskê hilweşiya, lê ji ber ku wê demê kes li derdorê tunebû, mirî an jî birîndarbûn çênebû.
Piştî ku welatiyan rewş ferq kirin, ekîbên AFAD û îtfaîyeyê ji herêmê re hatin şandin.
Ekîbên çekdarî cihê bûyerê ewle kirin û dest bi lêkolînê kirin.
Ji aliyê din ve, Waliyê Xarpêtê Numan Hatipoglu û Şaredarê Xarpêtê Şahin Şerifogullari hatin herêmê û ji rayedaran der barê xebatan de agahî girtin. (ÎLKHA)