Mebusê HÜDA PARî yê Mersînî Faruk Dinç, seba serrgêra hîrêyîne ya erdzemanê 6ê Sibata 2023yî ke merkezê ci Maraş bî, amê Malatya û tîya de tayê zîyaretî kerdî.
Dinçî programê xo bi zîyaretê mezelanê bajarî dest pêkerd û şî mezelanê kesê ke erdzem de dinya xo vurna. Serê mezelan de Sûreya Fatîha wende û seba merdeyan dua kerd; dıma zî derbazê Camîya Kernek Karagözlülerî bî.
Dinç tîya de tewrê programê Mewlûdê Şerîfî bî ke seba merdeyanê erdzemî ameybî nîşandene. Programî ra dıma nimajê cuma kerd. Nimajî ra dıma keyeyê ke merdimê xo erdzem de vindi kerdê zîyaret kerdî; seba merdeyan rehmet û seba merdimanê înan zî sebir waşt.
Keyeyanê mexdurê erdzemî seba nê zîyaretî Faruk Dinçî ra keyfweşîya xo dîyar kerdî û ey rê teşekkür kerd. Dinç, peyênî de programê xo yê Malatya qedîna û bajar ra vecyîya.