Îşxalkerên siyonîst, şerê li Rojhilata Navîn wekî behene bi kar tînin û Mescîda Eqsayê ji bo Misilmanan girtî dihêlin.
Qedexeya ku ji 28ê Sibatê ve, dema ku pevçûnên bi Îranê re dest pê kirin, di meriyetê de ye, îro gihîştiye roja xwe ya 35emîn.
Di vê heyamê de, Misilman nekarîn li cihê pîroz nimêj bikin, û îro, nimêja înê jî li Eqsayê nehat kirin.
Ev pratîka ku îşxalkeran bi beheneya "ewlehîyê" pêşkêş kirin, ji gelek welat û derdorên navneteweyî rexş kişand.
Di daxuyaniyek hevbeş de, wezîrên derve yên welatên Ereb û Îslamî tekez kirin ku qedexeyên li ser hatina Mescîdî Eqsayê îxlalkirina hiqûqa navneteweyî û azadiya îbadetê ye.
Filistînî dibêjin ku girtina cihê pîroz tenê bi hincetên ewlehiyê nayê rewakirin.
Tê diyarkirin ku di vê pêvajoyê de, rejîma sîyonîst armanc dike ku kontrola xwe ya li ser Mescîda Eqsayê zêde bike, û qedexeyên ku bi hinceta şerê bi Îranê re têne danîn, ji bo astengkirina sîstematîk a mafê îbadetê yê Misilmanan têne bikar anîn.
Misilman û parêzvanên mafên mirovan li çaraliyê cîhanê tekez dikin ku Mizgefta Eqsa ji bo Misilmanan cihekî pîroz e, û bi tundî rexne li rayedarên îşxalker digirin ji ber ku van qedexeyan "bi hinceta şer" mayînde dikin.
Bangên navneteweyî ji bo vekirina tavilê ya Mescîda Eqsayê ji bo îbadetê zêde dibin. (ÎLKHA)