Li gorî nirxandinên dawî yên Midûriyeta Giştî ya Meteorolojiyê, li seranserê welat hewa dê nîv ewrî heta pir ewrî be, baran û bahozên demkî ew ê tesîrî li gelek herêman bike.
Li gorî pêşbîniyan, tê texmînkirin ku li piraniya herêma Marmarayê (ji bilî Edîrne, Çeneqqele û Balikesîrê), deverên hundir ên herêma Rojhilatê Behra Reş, rojavayê Başûrê Rojhilatê Anadoluyê û her wiha li deverên derdora Osmaniye, Mereş, Nîxde, Qeyserî, Tokat, Qers, Erdexan, Colemêrg û beşên bakur û rojhilatê Edeneyê baran bibare.
Daîreya Meteorolojiyê tekez kir ku welatiyên li deverên ku tê texmînkirin barana zêde bibare divê baldar bin û li hember bûyerên xerab ên wekî lehiyê, girtina avê, birûskê û astengiyên veguhastinê tedbîran bigirin. (ÎLKHA)