Li gorî nirxandinên dawî yên Rêveberiya Giştî ya Meteorolojiyê, tê payîn ku roja Yekşemê 28ê Kanûna Pêşîn a 2025an li gelek parêzgehan berfeke bihêz û herêmî bibare.
Di daxuyaniyê de hat destnîşankirin ku li hin deveran, bi taybetî li Zonguldak, Düzce, Bartın, Bolu, Karabük, Kastamonu û bakurê rojavayê Sînopê, berfeke giran a ji 20 santîmetreyî zêdetir tê pêşbînîkirin.
Di daxuyaniyê de her wiha hat destnîşankirin ku li Erzîngan, Elezîz, Dêrsim, Erzirom, Erdexan û di dawiyê de li deverên bilind ên Îdirê, her wiha li Agirî, Qers û Wanê berfeke giran a ji 5 heta 20 santîmetreyan tê payîn; û li deverên bakur û rojhilat ên Çewlik, Bedlîs, Mûş, Colemêrg û Şirnexê, dibe ku li hin deveran berfeke giran a ji 20 santîmetreyan derbastir were dîtin.
Her wiha hat destnîşankirin ku li bakur-rojhilatê Dîyarbekirê (Pasûr, Licê, Hezro û herêma Qerecadaxê li ser rêya Dîyarbekir-Rihayê), li bakurê Batmanê (Hezo, Sason) û li deverên bilind ên bakur û rojhilatê Sêrtê berfeke giran tê payîn.