Jens Stoltenbergê Sekreterê Giştî yê NATOyê bang li birêveberîya Sûrîyê kir û xwast bila destûr bê dayîn daku çavdêrvanên nevneteweyî derbasî herêma ku tê îddîakirin lê çekên kimyewî hatiye bikaranîn bibin.
Stoltenberg di berdewama bangewazîya xwe de diyar kir “Em bikaranîna çekên kimyewî bi şikleke herî tund şermezar dikin. Divê mesûlên bûyerê hisabê bidin.”
Antoîno Guterresê Sekreterê Giştî yê Neteweyên Yekbûyî jî derbarê mijarê de diyar kir divê em hewil bidin da ku dawî li êş û elema xelkê Sûrîyê bînin.”
Guterresê ji ber îxtîmala mudaxeleya Amerîka ya li Sûrîyê bang li 5 endamên daîmî yên Neteweyên Yekbûyî kir. Guterres di banga ku kir de destnîşan kir rîsk û xetereyên rewşa heyî hene û dû re wiha got: “Nehêlin li Sûrîyê rewş ji kontrolê derkeve.(ÎLKHA)