Di daxuyaniya Heyva Sor de hat ragihandin ku di hawireke ku şert û mercên mirovî yên li nexweşxaneyê nebaş in û kêmasiya hewceyên tenduristiyê, xwarin û avê heye, personelên tenduristiyê ji bona ku nexweş û birîndaran derman bikin micadeleyê dikin.
Di daxuyaniyê de hat diyarkirin ku tevî hemû bangên navneteweyî yên ji bo alîkariya lezgîn jî ketine guhên xwe û têkilî û înterneta nexweşxaneyê qut bûye û di daxuyanîyê de weha hat gotin: “Di van êrîşan de ku ji aliyê rejîma îşxaler ve di roja pêncemîn de berdewam dikin de ti rêxistinek nikare alîkariyê bide nexweşxaneyê. Trajediya mirovî li Xezzeyê û Xezzeyê ya bakur hîn karesattir bûye ji ber ku îxşalkeran êrîşên xwe yên leşkerî li ser her du herêman zêde kirine, bi taybetî nexweşxaneyan kirine armanc, wan dorpêç kirine û wan ji xizmetê hiştine, û wan ji alîkariyê bêpar hiştine.”
Di daxuyaniyê de hat destnîşankirin ku civaka navneteweyî û hemû welatên ku peymana Cenevreyê ya çaremîn îmze kirine, ji hilweşîna bi temamî ya pergala tenduristiyê û karesata mirovî ya li Xezzeyê berpirsyar in. (ÎLKHA)