Wezîrê Karên Hundir Ali Yerlikaya ragihand ku 161 gumanbarên ku wekî piştgiriya darayî didin DAIŞê û di nav rêxistinê de dixebitin, di operasyonên hevdem de li 36 parêzgehan hatine girtin.
Wezîrê Karên Hundir Ali Yerlikaya di daxuyaniyekê de li ser hesabê xwe yê medyaya civakî de hûrguliyên operasyonên berfireh ên li dijî DAIŞê parve kir.
Yerlikaya ragihand ku di hefteya borî de li 36 deverên cuda li Îzmîr, Enqere, Stenbol, Edene, Dîyarbekir, Mêrdîn, Şanliurfa, Wan û gelek bajarên din di operasyonên hevdem de bi tevahî 161 gumanbar hatine girtin.
Di operasyonan de her wiha tabancayên bêdestûr, tifingên nêçîrê û gelek belgeyên rêxistinî û materyalên dîjîtal jî hatine desteserkirin.
Yerlikaya diyar kir, "Operasyonên me ji bo aramî û ewlehiya neteweya me dê bê navber berdewam bikin."