Parlamenterê Mersînê yê HUDA PARê Faruk Dînç li Meclisê civîna çapemeniyê li dar xist û îfade kir ku rejîma sîyonîst digel agirbestê jî li Xezzeyê qirkirina xwe didomîne.
"Armanca rejîma siyonîst ew e ku demografiya Xezzeyê bi awayekî daîmî biguherîne"
Dînç, bi bîr xist ku rejîma terorîst a siyonîst digel peymana agirbestê jî êrîşî Xezzeyê dike û rê li ber çûna alîkariyê digire û got, "Hêzên îşxalker ên ku bi berfirehkirina deverên di bin kontrola xwe de peymanê paşguh dikin, rê li ber çûna alîkariya mirovî bo herêmê jî digirin û sivîlan bi birçîbûn û bêpariyê re rû bi rû dihêlin. Geşedanên dawî bi awayekî zelal nîşan didin ku rejîma siyonîst armanc dike ku bi planên avakirina bajêr li deverên di bin kontrola hevbeş a bi Emrîkayê re, avahiya demografîk a Xezzeyê bi awayekî mayînde biguherîne. Ev plan armanc dike ku berxwedana Filistînê îzole bike û bi bêparkirina wan ji gihîştina alîkariyê, beşek girîng a nifûsê neçar bike ku koçber bibe."
"Divê li dijî îxlalkirinan tedbîrên astengkirinê bên girtin"
Dînç, destnîşan kir ku welatên garantor û navbeynkar li hember vê rewşê bêxem mane û wiha got: "Niha ji bo civaka navneteweyî û bi taybetî jî ji bo welatên garantor û navbeynkar girîng e ku mesulîyetîyên xwe bicîh bînin. Divê alîkariya mirovî ya berfireh, tevî xanîyên prefabrîk ji bo şert û mercên zivistanê yên nêzîk, tavilê were peyda kirin û li dijî îxlalkirinan divê cezayên astengkirinê werin sepandin." (ÎLKHA)