Parlamenterê Mêrsînê yê HUDA PARê Faruk Dînç li avahiya parêzgehê ya partiya xwe bi welatiyan re hat cem hev.
Di civînê de bi beşdariyeke xurt welatiyan hêvî û daxwazên xwe yên li ser mijarên cuda anîn ziman.
Dînç yek bi yek pirsgirêkên welatiyan nirxand û diyar kir ku ji bo çareseriyê ew ê teşebûsên hewce bikin.
Dînç destnîşan kir ku HUDA PAR li cem gel e û weha got: “Em ê bibin dengê miletê xwe. Em ê her pirsgirêkek ku ji me re hatî şandin bi baldarî binirxînin û ji rayedarên têkildar re bişînin,"
Di dawiya civînê de welatiyan spasiyên xwe pêşkêşî Dînç kirin ku li wan gohdarî kiriye û bi pirsgirêkên wan re mijûl bûye. (ÎLKHA)