Di karesata ku li gundê Atbaği yê navçeya Bişêrîyê ya Êlihê bi hilweşîna balkonek apartmanekê çêbû de, Fırat Tarhan (26), Faris Yel (12), Raman Yel (19) û Mucahit Toy (17) jiyana xwe ji dest dan.
Piştî karesata ku li Êlihê xemgîniyek mezin çêkir, Cîgirê Êlihê yê HUDA PARê Serkan Ramanlı, ku bernameyên xwe yên li Enqerê betal kir û ji bo sersaxiyê hatibû Êlihê, bi Serokê Parêzgehê Davut Şahin û şandeyeke mezin re çû gundê Atbaği (Bazbutê) û sersaxî ji malbatan re xwest.
Parlamenter Ramanli daxuyaniyek da û got, "Windakirina jiyana çar birayên me di hilweşîna balkonê de li gundê Atbagi ya Bişêrîyê me hemûyan pir hejand. Êşa me mezin e, dilê me diêşe. Me bernameyên xwe yên li Enqerê betal kirin û bi Serokê Parêzgeha xwe Davut Şahîn û şandeya xwe re hatin gundê Atbagi. Em li kêleka malbatên xwe rawestiyan û sersaxiyên xwe ji wan re gotin. Di vê roja dijwar de parvekirina êşa wan û li kêleka wan sekinandin berpirsiyariya me ya herî bingehîn e. Xwedê rehma xwe li birayên me yên mirî bike û sebrê bide xizmên wan."
