Serokê Navçeya Çinarê yê HUDA PARê Eziz Tekdal di peyama xwe ya ku weşand de, van îfadeyan bi kar anîn:
"Di berdêla rojiyên ku di Meha Remezana Pîroz de hatine girtin û îbadetên ku hatine edakirin de, em gihîştin Cejna Remezana Pîroz a ku diyariya Xwedayê me ye ji bo misilmanan. Hemd û sena ji Xwedayê me re be ku em gihandin Meha Remezanê û piştî rojî û îbadetên di vê meha pîroz de, em gihandin cejnê.
Em ji Xwedayê me daxwaz dikin ku Cejna Remezanê bibe wesîleya yekîtî û bihevrebûna misilmanan; di serî de bibe wesîleya rizgariya birayên me yên Xezeyî yên ku di bin zilma wehşiyên siyonist de dinalin û rizgariya hemû birayên me yên ku di bin zilmê de ne. Ez Cejna Remezana Pîroz li xelkê navçeya me û li hemû misilmanan pîroz dikim."