Parêzgarê Mûsilê Ebdulkadîr Dahil ji Ajansa Nûçeyan a Iraqê (INA) re got, "Balafira Hewayî ya Iraqî wekî yekem geşta fermî ya navxweyî li ser pista Balafirgeha Navneteweyî ya Mûsilê daket."
Parêzgar Dahil diyar kir ku plan hene ku ji balafirgehê geştên hewayî ber bi hemû parêzgehên Iraqê û welatên cuda yên cîhanê ve werin organîzekirin û got, "Ev vebûn ji bo ji nû ve pêşxistin û vejandina aborî ya Mûsilê derfeteke mezin temsîl dike."
Balafirgeha Navneteweyî ya Mûsilê ji ber êrîşên rêxistina terorîst a DAIŞê, ku di sala 2014an de bajar kontrol kir, bi giranî zirar dît û bêbandor bû. Piştî hewldanên dirêj ên tamîr û ji nû ve avakirinê, balafirgeh deriyên xwe ji bo trafîka hewayî ya sivîl li bakurê welat ji nû ve vekir. (ÎLKHA)