‘Alimê Îslamê yê navdar û serekê yekîtiya ‘alimên Îslamê Dr. Yusuf El-Qeredawî diyar kir û go: “Di nêz de li Şam a paytexta Sûriyê di mizgefta Emewî de ezê xutbe bixwînim û mizgîna zaferê bidime gelê Suriyê.”
Yusuf El-Qeredawî duh li Dohayê di xutbeya xwe de diyar kir ku: “Beşşar Esed cinewirek wisa ye ku gelê xwe dixwe. Ez ji gelê Sûriyê dixwazim ku li hember tuğyan û îfsadê têkoşîn û cîhada xwe bidomînin. Heta ku hun bigihêjîn telebên xwe weke çiyayan bisekinin. Hunê di nêz de serfîraz bibin û ez jî dê werim mizgefta Emewî û zaferê li we pîroz bikim.”
Qeredawî bang li milletê Lîbyayê jî kir û go: “Bila gelê Lîbya sîlahên xwe teslîmî dewletê bikin û welatê xwe îmar bikin.” (Bangaheq)