Qezay Sêwrege de, nezdîyê Mehlê Üçkuyu de yew qezayê trafîkî amey meydan. Otomobilo ke raye de şiyênê, kontrol ra veciya û küt bi şarampol.
Gorey melumatanê ke ameyê gırewtene, otomobilo ke binê îdareyê M.Ö. de bi û plakaya ey 18 LC 777 bi, seba ke şofêr hakimîyetê direksîyonî kerd vindi, küt bi şarampolê kenişê rayi.
Qeza de şofêr M.Ö. û kesê ke zereyê otomobili de bî; M.Ö., S.Ö., Ş.Ö. û M.Ö. birîndar bî. Ame zanayene ke birîndarî eynî aile ra yê.
Xeberdayene ser o; îtfaîye, ekîbê weşîye (sihhîye) û cendermey şîy herêma qezayî.
Birîndarî, herêma qezayî de mudaxeleyo verên dıma, bi ambulansan amey berdene Nêweşxanê Dewleti yê Sêwrege.
Vajiya ke birîndaran ra halê Ş.Ö. giran o û tehlîkeyê cı yê heyatî esto.
Dıma Ş.Ö. sewqê Nêweşxanê Perwerde û Araştırmayî yê Mehmet Akif İnanî bi.
Otomobilo ke qeza kerdo, dıma ke cendermeyan herêma qezayî de ewnîya cı (înceleme kerd), bi yardimê çekîcî ame wedartene û berdî otopark.
Hele wext de derheqê qezayî de tehqîqat dewam keno.