Di daxuyanîya ku ji teref Wezareta Tenduristî ya Xezzeyê ve hat belavkirin de hat îfadekirin ku ji ber zêdebûna êrîşên rejima îşxalker candayîn zêde bûne û derheqê rewşê de agahîyan parve kir.
Di daxuyanîyê de hat îfadekirin ku ji 18ê Adarê vir ve rejima sîyonîst, di êrîşên xwe yên li dijî Xezzeyê de 505 zarokan şehîd kir, 1249 zarokan jî bi cîhên cuda birîndar kir. Xeyn ji vana 271 pîrek û 86 îxtîyaran jî di vê demê de şehîd kirin.
Ji dîroka ku tê qalkirin vir ve tev de 1391 Filistînî, ji 7ê Cotmeha 2023yan vir ve jî tev de 50 hezar û 752 Filistînîyan şehîd kirin, 115 hezar û 475 Filistînîyan jî birîndar kirin.
Artêşa rejima îşxalker, agirbesta ku di 19ê Çileyê de ketibû merîyetê di sibeha 18ê Adarê de xera kirin û ji nû ve dest bi êrîşên xwe yên dijwar kirin. Di vê pêvajoyê de piranîya wan zarok, pîrek û îxtîyar 1391 Filistînîyan şehîd kirin, 3 hezar û 434 kesan jî birîndar kirin. (ÎLKHA)