Rejima îşxalker, bi êrîşên xwe yên ku li Xezzeyê li dar dixe ve nexweşxaneyan xera dike û personelên tenduristîyê û malbatên wan hedef digre, bi vê şeklê armanc dike ku sektora tenduristîyê hilweşîne.
Artêşa îşxalê, herî dawîn li Xan Yûnisa Xezzeyê malbata doxtorekî hedef girt.
Di daxuyanîya ku ji teref Wezareta Tenduristîyê ve hat belavkirin de hat îfadekirin ku artêşa îşxalê, sektora tenduristîyê hedef digre û di encama van êrîşan de 1580 xebatkarên tenduristîyê qetil kirîye.
Hat îfadekirin ku doxtor Ala en-Naccar ku di Nexweşxaneya Nasirê de dixebite dema ku biçe nexweşxaneyê ji mala xwe derket, û dûre êrîş li mala wê hat kirin.
Di êrîşê de 9 zarokên Ala ku navên wan Yahya (12), Rakan (10), İf (9), Cubran (8), Rislan (7), Rifan (5), Sidin (3), Lokman (2) Sidra (6 mehî) in hatin qetilkirin.
Zilamê Ala, Hamdî en-Neccar (40) û kurê wê Adem (11) di êrîşê de bi giranî birîndar bûbûn. (ÎLKHA)