Programê hîna peyênî yo ke Camiya Merkezî ya Sasonî de amabi vırazenê, wendekar û keyeyê înî ardî têpao; çalakî de fiğurê Nesredîn Xocayî û Keloğlanî ke balê domanan ancenê zî ca gırewt.
Program de ser o nameyê Vakfê Evîndarên Pexamberî ra Rıdvan Aksoyî va ke programê 'Heyat Namazdi Weş o' yew xebata muhima ke amanca ci ya esasi ya ke domanan rê hûşmendiya namazî bido.
Aksoyî va ke 'Enê programî tenya yew çalakî nîyo; miraso de tewr mendekar û tewr qîymetin o ke ruhê pak ê zavrayê ma rê mendeno. Ez domanê ma yê weşê ke rojanê dergan de camiê ma şen kerdî, guş da vengê ezanî û bi şuûru cemaetî saf gırewtî, raştî ra pîroz keno.'
Aksoyî da zanayene ke gırdubiyayişê domanan bi namazî hetê istiqbalê civate ra yew giranîya gırd a gırewto û va ke 'Ewê ke bi namazî gırd benê, civata ma nêweşiyan û xirabiyan ra pak bena, istiqbalê ma beno hîna ronak.'
Aksoyî da zanayene ke înî Gazze û cografyayê mazlûmê bînî zî vîr ra nêkerdî, va ke înî selam û duaya xo şawenê birayanê xo yê ke seba zilm û zehmetiyan ra nêverdê îman û namazê xo.
Aksoyî spasyê xo kerd înê ke seba programî rê dest da, şuxulna keyeyê ke domanê xo teşwîqê enê perwerdeyan kerdî, hocayanê ke zîhnet da û gonîlliyan.
Program, bi iştirakê domanan û keyeyan atmosferê de coşkênî de qediya.