Gülseverî Diyarbekir sey “sûka (bajarê) pêxamberan û eshaban” name kerd û da zanayene ke nê menga bimbarekî de ganî merdim bala xo bido sêwiyan, feqîran û hewcedaran ser. Ey îfade kerd ke bi zekat, fitre, sodeqe û înaqan destekdayîşê hewcedaran, hemwelatiyanê Diyarbekirî ser o wezîfeyê de muhîm o.
Gülseverî diyar kerd ke menga Remezanî eyni wext de dewrê xurtkerdena biratî û aramî yo; hemwelatiyî dawetê nimajê terawîhan, mukabelan û fîstena sufreyanê şewer û îftaran kerd ke tede de akraba, dost û embazanê xo de bêrê têhet.
Gülseverî mesajê xo de mazlumanê dinya zî xo vîrî ra nêkerdî; va ke ganî serî de seba Gazze, hemî mısılmanê ke binê zulumî de yê dua bibo û goreyê îmkanan destekê maddî bêro kerdene.
Gülseverî temennî kerd ke menga Remezanî seba Diyarbekir, Turkîya û hemî alemê îslomî bibo wesîleya haştî, aramî û biratî; ey Remezanê Şerîfê hemwelatiyan fîraz kerd û dua kerd ke her kes bi weşî û silametî bîreso roşanî.