Çınar de badê zivistanê de giran û varanê serra ke bi bandûr, rayîrê dewanê herêma Qerejdaxî de problemî vejîyayî werte.
Serekê Qeza yê Çınarî yê HÜDA PARî Aziz Tekdal, herêma Qerejdaxî de geyray û badê cîyêvinitişanê xo aşkera kerd ke rayîrê dewan û rayîrê gruban zaf xirab biyê. Tekdalî va ke semedê vewra zaf û qeşayî tayê rayîrî bi temamî ameyê gıredene. Tekdalî bale ant serê mexdûrîyetê şarî yê heyatê rojane û wextê acîlan; bang li selahîyetdaran kerd ke wa demê de kilek de dest bi xebatanê tamîrkerdişî bikerê.
"Zafê Mehaleyan de Xebat Nêbiya"
Tekdalî va ke rayîrê zafê dewanê qezayî xirab ê û wina domna: "Ma heyf ke vînenîmê, rayîrê zafê dewanê qezaya ma halê de zaf xirab de yê. Ewro ma tenê çend dewan de geyrayî û ma bi çimanê xo na tablowe dîye. Ma serê nameyê HÜDA PARî beledîye rê derheqê rayîrê dewan de pêşniyaznameyê de nuştekî da, labelê ma dî ke her çiqas tayê dewan de xebatî bîyê zî, zafê dewanê ma de heta nika tu xebatê de nêameyo kerdene.
"Welatîyî nêşînê pê de şîrê"
Tekdalî va ke telebe ma yo ke wa dewan de kerrayê parkeyî yan zî qum bêro raşitene, bêcewab mendo û wina domna: "Ma reyanê zafan vat ke wa dewan de kerrayê parkeyî bêrê ronayene yan zî qet nêbo wa qum bêro raşitene, labelê heta nika tu gamê de şonkî (somut) nêameye eştene. Badê vewra zaf û qeşayî, rayîrî bi temamî xirab biyê. Ez wina vacî; nika ne tenê wesayîtî, welatîyê ma zî dewe de nêşînê bi payan (pê de) şîrê. Na rewşe heyatê rojane zaf xirab kerna. Domanê ma nêşînê şîrê mekteb, nêweşê ma nêşînê bîrê rasaneyene nêweşxaneyan.
Banga ma li selahîyetdaran o ke; wa serê de rayîrê gruban û dima zî rayîrê dewanê ma bi leze (acil) bêrê viraştene û na mexdûrîyeta şarî bêra daritene. Ma do na mesele taqîp bikerê.