Yapıcıoğluy hesabê xo yê medya sosyale ra beyanatê de da û va ke Fîloya Sumudî ya Global ke seba şikitişê abluka Gazze û resnayîşê yardimî di hefteyî verê cû vejîyabî rayîr, reyna awe de nêneteweyîyan de rastê hêrişê korsanê siyonistan amîya.
Yapıcıoğluy îşaret kerd ke menaya Sumudî "kararlılık" (biryardarî) o û wina va:
"Aktîvîstê nê fîlo kararlî yê. Ganî dewletê ke nê aktîvîstî hemwelatiyê înan ê zî, seba pawitişê gan, heq û emniyetê hemwelatiyanê xo kararlî û samîmî bê. Wijdanê merdimayîye ameyo payan ser, waştoxê qirkerdişî û êyê ke qirkerdişî seyr kenê, nînan do bierzê war. No tenê meselaya wextî yo."