Serekyê Sûre yê Diyarbekirî yê HÜDA PARî Zeynul Abidin Gülseveri, vateyanê Rahmi Koçî yê ke ciniyanê Kurdan hedef gırewtibi rê zaf sert nêrazîbiyayîş mojna.
Serekyê Sûre Zeynul Abidin Gülseverî eşkerayîya xo de nîyanên va: 'Açılışê nêweşxaneyêkê Îzmîrî de vateyê xwar kerdış û nîjadperestî yê ke ciniyanê Kurdan hedef gırewtê, tenya bêhürmetîyek nîyo; serran o ke vera tûm bîyayîş, nasname û onurê nê şarî de ferasetê de dorgırewteyo ke yêno rayraberdış o. Ciniya Kurde; sembolê îffet, wekar û dirayetî ya. Ciniyanê Kurdan kerdışê kayê nêhuwayîşî, heddê tu kesî nîyo. Binê nameyê mîzahî de nê vateyê pîsî, ne bi mîzah ne zî bi nîyetêko rind nêşênê bêrê îzah kerdış.'
Gülseverî dewama eşkerayîya xo de va: 'Ma nê vateyanê bêhedan bi şîdet kınenî. Sere de ciniyê Kurdan, ganî tûmê şarê ma ra derhal demawi bîyoro waştış. Reyna, nê pîsatî rê bêveng mendoxî yan zî çepık pıro dayoxî zî hevkarê nê berpirsiyarî yê. Tu kes nêşêno bi ziwan, kultur û ciniyanê Kurdan qerfê xo bıkero, nê cûretî xo de nêvîno. Onurê şarê Kurdi, xeta ma ya sûr a.