Serokkomar Recep Tayyîp Erdogan, Serokê Giştî yê HUDA PARê Zekerîya Yapicioglu qebûl kir.
Di qebûlkirinê de, Serokwekîlê Giştî yê AK Partîyê Efkan Ala, Serokwekîlê Giştî yê HUDA PARê û Parlamenterê Entabê Şahzade Demîr û Alîkarê Serokê Giştî yê HUDA PARê Îshak Saglam jî amade bûn.
Serokê Giştî yê HUDA PARê Zekerîya Yapicioglu, li ser hîsaba xwe ya medyaya civakî daxuyanîyek parve kir û weha got, “Îro me Birêz Serokkomar zîyaret kir û derheqê xebatên berdewamkirina Komîsyonê de fikrên xwe yên di warê hiqûqî de pêşkêşî wî kir, me jê re piştgirîya xwe ya ji pêvajoyê re jî anît ziman. Jiber qebûlkirinên wî yên delal û piştgirîya wî ya ji pêvajoyê re ji Birêz Erdogan re sipasîyan dikim.” (ÎLKHA)