Piştî peymana agirbestê li Xezzeyê, vegera bo Xezzeyê berdewam dike.
Harrîet, bijîşka acîl a Nexweşxaneya Şîfa ya li bajarê Xezzeyê, diyar kir ku gelek Filistîniyên ku piştî agirbestê vedigeriyan malên xwe, bi teqemeniyên neteqiyayî şehîd bûn.
Dr. Harriet got, "Xelk piştî bombebaranên giran vedigerin bakur. Ew di nav kavilan de konan vedikin û li vir gelek rokêtên neteqiyayî hene."
Harriet diyar kir ku di nav kesên ku ji ber van teqemeniyan birîndar bûne de zarok jî hene, û wan du xwişk û birayên 5 û 7 salî yên ku ji ber şarapnelê bombeyê birîndar bûbûn, derman kirine.
Li Xezzeyê nêzîkî 66.000 teqemeniyên neteqiyayî hene. Heta niha herî kêm 53 kes ji ber bombebaranê mirine.
Edouard Beigbeder, Rêveberê Fona Zarokan a Neteweyên Yekbûyî (UNICEF) bo Rojhilata Navîn û Bakurê Efrîqayê, got ku operasyonên alîkariya mirovî bi agirbestê re zêde bûne û got, "Em niha li dijî demê şer dikin da ku zarokan ji tehdîdên ku pêşî lê tê girtin biparêzin. Di nav van de kêmxwarin, nexweşî û sermaya zivistanê hene."
UNICEF her wiha ragihand ku bi hevkarên xwe yên li Xezeyê re dixebite da ku alîkariya 650.000 zarokên temenê dibistanê bike da ku vegerin polên dibistanê.
Du sal in ku êrîş berdewam dikin, perwerde û rahênan li Xezzeyê bi giranî têk çûye.
Bi hezaran xwendekar nekarîn biçin dibistanan, û binesazî û materyalên perwerdehiyê jî wêran bûn. (ÎLKHA)