Serokê Emrîkayê Trump, dema ku li Qesra Spî bi serokwezîrê qaşo yê rejima îşxalker Binyamîn Netenyahu re hevdîtinê kir daxuyanî da, û îfade kir ku ew dixwaze herba li Xezzeyê dawî bibe û ew ê ev jî di demeke pêş a ku wê ne dûr be de çêbibe.
Ji Trump re hat pirsîn ku “Tu di dema kampanyaya hilbiljartinê de gotibûy ‘ez ê herba li Xezzeyê biqedînim’, gelo hûnê çibikin di vî warî de?”. Trump jî ji vê pirsê re weha bersiv da, “Ez dixwazim ku bibînim herb dawî bibe û ez wisa difikirim ku ev jî ew ê di demekî de -ew dem ne gelek dûr e- bi dawî bibe.”
Trump, destnîşan kir ji bona ku êsîrên di destê HAMASê de bêne serbesthiştin xebat berdewam dikin, xelaskirina hemû êsîran “pêvajoyekî dirêj e”.
Donald Trump îfade kir ku, “Kontrolkirin û îdarekirina Xezzeyê ya ji teref hêzekî aştî mînak wek Emrîkayê ew ê tiştekî baş bibûna.” Di daxuyanîyê de bicîhkirina Xezzeyîyan ya ji welatekî dinê re jî disa hat rojevê.
Netenyahu jî agirbesta ku hinek êsîr hatibûn serbeshiştin bibîrxist û got, “Niha em li ser peymanekî ku dixwazin bila serfiraz be dixebitin. Em bibiryarin ku hemû êsîran xelas bikin.”
Netenyahu îfade kir ku ew bi Trump re, derheqê pêşeroja Xezzeyê de “vîzyona cesûr” jî axivîne. (ÎLKHA)