Donald Trumpê Serokê Emrîkayê ji bo xelaskirina serokwezîrê rejîma sîyonîst Benyamin Netanyahu ji doza gendeliyê dest bi hewldanan kiriye. Trumpê ku li ser Truth Social daxuyaniyek da, li hember derketina Netanyahu ya roja Duşemê li dadgehê bertek nîşan da.
Trump diyar kir ku wî û Netanyahu "bi hev re ji cehennemê derbas bûne" û got, "Emrîka bû ku îsraîlê xelas kir, niha em ê Netanyahu xelas bikin!" Doza gendeliyê wekî "qaşo şerma edaletê" bi nav kir, Trump îddîa kir ku "di dîroka îsraîlê de tu kesî bi qasî Netanyahu bi biryardarî şer nekiriye".
Trump gazîkirina Netanyahu ji dadgehê re wekî "nêçîra cadûyan" bi nav kir û got: "Divê ev doz bi lez û bez were betalkirin an jî divê Netanyahu wekî qehremanek were efûkirin. Ew gelek tiştên din heq dike."
Her çiqas ev gotinên Trump di navbera rejîma sîyonîst û Emrîkayê de wekî mînakek nû ya dilsozî û berjewendiya hevbeş a mutleq hatin hesibandin jî, di hinek derdoran de ew jî hatin tinazkirin. (ÎLKHA)