Tûgayên Îzeddîn El Qessam ê baskê leşkerî yê HAMASê, di daxuyanîya ku belav kir de weha got, “Ji bo bersivdayîna qetlîamên sîyonîstan a li dijî sîvîlan me bi roketan li Tel Avîvê xist.”
Çavkanîyên herêmê, diyar kirin ku Tel Avîv bi roketên M90 hatîye hedefgirtin.
Artêşa îşxalker a sîyonîst, diyar kir ku piştî roketan li Tel Avîvê sîren lêketine. Di Fermandarîya Cepheya Hindir a Îşxalkeran de jî sîren lêketine.
Hat îfadekirin ku ev operasyona roketan sê roj piştî êrîşa rejima îşxalker pêk hatîye û ev jî balan dikşîne ser xwe.
Tûgayên Qessam, herî dawîn Tel Avîvê di salvegera Tofana Eqsayê de yanê di 7ê Cotmeha 2024an de hedef girtibû. (ÎLKHA)