Tûgayên Qessam, peyamên sê êsîrên sîyonîst ên ku di destê wan de ne ji rejîma îşxalê re şand. Êsîran di peyamê de ji rejîma îşxalker û Netenyahu re banga “herbê bidin sekinandinê” kir.
Di dawîya vîdeoyê de Qessam weha got, “Bisekinin, em ê sibe derheqê aqûbeta vana de agahîyan bidin we.” Û weha hat diyarkirin, “Hikûmeta we ji we re derewan dike.”
Berdevkê Tûgayên Qassam Ebû Ubeyde di axaftina xwe ya vîdyoyê ya danê êvarê de hat weşandin de bal kişand ser wê yekê ku dijminê îşxalker heta niha negihîştiye ti armanca xwe û nekariye yek ji êsîran rizgar bike û got, "Ji hefteyên dawî ve aqûbeta gelek êsîran nayê zanîn. Bi îhtîmaleke mezin gelek êsîr mirine û mesûlîyeta wan bi tevahî di stûyê dijmin de ye."
(ÎLKHA)